„რუსეთის სრულმასშტაბიანმა ომმა უკრაინის წინააღმდეგ უკვე გადააჭარბა 1941–1945 წლებში ნაცისტურ მესამე რაიხსა და სსრკ-ს შორის მიმდინარე ომის ხანგრძლივობას — 1418 დღე“, – ამის შესახებ უკრაინის საგარეო საქმეთა მინისტრმა ანდრეი სიბიგამ განაცხადა.
სიბიგას თქმით, ამ ომის განმავლობაში რუსეთმა უკრაინის მიწაზე ისეთი სისასტიკე ჩაიდინა, რომელიც მეორე მსოფლიო ომის შემდეგ უპრეცედენტო მასშტაბისა და სისასტიკის არის.
სიბიგა ამბობს, რომ რუსეთმა ვერ შეძლო უკრაინელი ხალხის სულისკვეთების გატეხა.
„ამ პერიოდის განმავლობაში რუსეთმა ვერ მიაღწია თავისი აგრესიის ვერცერთ სტრატეგიულ მიზანს. ამის ნაცვლად, მან განიცადა უზარმაზარი დანაკარგები, 1.2 მილიონზე მეტი მოკლული და დაჭრილი ჯარისკაცისა და სამხედრო აღჭურვილობის უზარმაზარი დანაკარგების სახით“, – აცხადებს ანდრეი სიბიგა.
სიბიგას თქმით, უკრაინა ძლიერი რჩება და მტკიცედ ერთგულია შეერთებულ შტატებთან და ევროპელ მოკავშირეებთან მჭიდრო თანამშრომლობის მიმართ, რათა მიღწეულ იქნეს ხანგრძლივი მშვიდობა და უზრუნველყოფილი იყოს გრძელვადიანი უსაფრთხოება ევროპაში.
